Gjennom kurset lærer deltakarane å kjenne att såkalla «tankevirus». Negative eller sjølvkritiske tankar som kan påverke sjølvtillit, motivasjon og handlekraft. Målet er å styrkje meistring, sjølvinnsikt og det «psykologiske immunforsvaret».
For deg som er arbeidssøkjar
Tankevirus blir nytta i fleire av våre kurs og tiltak for deltakarar og arbeidssøkjarar. Kurset passar for menneske med ulike bakgrunnar og krev ingen forkunnskapar.
Kurset kan bidra til:
- betre meistring i kvardagen
- auka sjølvtillit og tryggleik
- betre handtering av stress og motgang
- større medvit om eigne ressursar
- tryggare deltaking i arbeid og aktivitet
Kurset er praktisk, lett tilgjengeleg og legg til rette for refleksjon og dialog.
For arbeidsgivarar
Vi tilbyr også Tankevirus som kurs for private og offentlege verksemder som ønskjer å arbeide meir målretta med:
- psykisk meistring på arbeidsplassen
- arbeidsmiljø og trivsel
- kommunikasjon og samarbeid
- stressmeistring og refleksjon
- bevisstgjering rundt tankemønster og reaksjonar
Kurset kan tilpassast den enkelte arbeidsplass og gjennomførast for både små og store grupper.
Ønskjer de meir informasjon om innhald, pris eller gjennomføring, er de velkomne til å ta kontakt for ein uforpliktande prat.
