Generell omtale av verksemda (§ 5 bokstav a)

Organisering og driftsområde

Furene er ei norsk arbeids- og inkluderingsbedrift med hovudkontor i Furene, Volda. 

Verksemda har 180 tilsette per 27.05.26, og aktiviteten omfattar mellom anna:

  • gjennomføring av arbeidsretta tiltak, som avklaring, oppfølging, arbeidsførebuande trening (AFT) og varig tilrettelagt arbeid (VTA). Gjennom desse tiltaka får deltakarane kartlegging av arbeidsevne, tett individuell oppfølging, kvalifisering og arbeidstrening, med mål om å kome ut i ordinært arbeid eller oppnå varig tilrettelagd sysselsetjing.
  • produksjon og tenesteleveransar innan område som mekanisk arbeid, montering, profilering og klestrykk, samt næringsmiddelproduksjon (bakeri). Desse aktivitetane fungerer både som reelle produksjonsmiljø og som arbeidsarenaer for tilrettelagt arbeid.

Gjennom kombinasjonen av tiltaksarbeid og kommersiell drift bidreg Furene til å skape inkluderande arbeidsplassar, utvikle kompetanse og fremje sosial berekraft.

Retningslinjer og rutinar for ansvarleg drift

Verksemda har etablert retningslinjer og rutinar for å handtere faktiske og potensielle negative konsekvensar for grunnleggjande menneskerettar og anstendige arbeidsforhold, i tråd med openheitslova § 4 og OECD sine retningslinjer.

Dette omfattar mellom anna:

  • Etiske retningslinjer / code of conduct for tilsette og leverandørar
  • Rutiner for leverandøroppfølging og kontraktskrav
  • Varslingsordning / kanal for bekymringsmeldingar
  • Interne ansvarsroller 

Metode for aktsomheitsvurderingar

Aktsomheitsvurderingane vert gjennomførte jamleg og risikobasert, og omfattar:

  • Kartlegging og vurdering av faktiske og potensielle negative konsekvensar i eiga verksemd og leverandørkjeda
  • Prioritering av område med høgast risiko basert på alvor og sannsyn

  • Oppfølging av leverandørar gjennom dialog, kontraktskrav m.m.

     

Faktiske negative konsekvensar og vesentleg risiko (§ 5 bokstav b)

I rapporteringsperioden har verksemda gjennom aktsomheitsvurderingane identifisert følgjande:

Område med potensiell risiko

Det føreligg ein potensiell risiko knytt til delar av våre innkjøp. Furene kjøper varer innan bransjar som generelt er vurderte som høgrisikoområde, mellom anna tekstil, metall og næringsmiddel. Desse bransjane er internasjonalt kjende for utfordringar knytt til arbeidsforhold, løns- og arbeidsvilkår og sporbarheit i leverandørkjeder. 

Furene sine hovudleverandørar er lokaliserte innanfor EU/EØS, dei aller fleste i Norge, der regelverket for arbeidsforhold og menneskerettar generelt er godt utvikla. Samstundes har verksemda avgrensa oversikt over leverandørkjedene utover første ledd, noko som inneber at det kan vere risiko lenger bak i verdikjeda som ikkje er tilstrekkeleg kartlagt.

Vidare vurderer Furene at eksisterande rutinar for kravstilling, kartlegging og oppfølging av leverandørar til no ikkje har vore tilstrekkeleg systematiske eller omfattande til å sikre nødvendig innsikt i leverandørkjeda. Dette medfører ein auka risiko for at eventuelle kritikkverdige forhold ikkje vert avdekte.

På denne bakgrunnen vert risikoen i hovudsak vurdert som potensiell og knytt til manglande oversikt og oppfølging, heller enn identifiserte avvik.

Faktiske negative konsekvensar

I rapporteringsperioden har verksemda ikkje avdekt konkrete negative konsekvensar for grunnleggjande menneskerettar eller anstendige arbeidsforhold, men har identifisert potensiell risiko som omtalt ovanfor.

 

Tiltak og resultat (§ 5 bokstav c)

Iverksette og planlagde tiltak

Basert på identifiserte risikoområde og potensielt negative konsekvensar har verksemda sett i verk eller planlegg å setje i verk følgjande tiltak:

  • Tiltak 1: Skjerpa kontraktskrav til leverandørar, krav om dokumentasjon og oppfølgingsmøte
  • Tiltak 2: Opplæring av innkjøparar og andre nøkkelpersonar
  • Tiltak 3: Gjennomføring av stikkprøvekontrollar eller revisjonar

Resultat og forventa effektar

Tiltaka som er skissert i punkt 4.1 har følgjande forventa effektar: 

  • Skjerpa kontraktskrav til leverandørar: tydeleggjere forventningar knytt til etterleving av menneskerettar og anstendige arbeidsforhold, samt leggje til rette for betre dialog og oppfølging av leverandørar.
  • Opplæring av innkjøparar og nøkkelpersonar: auke kompetansen internt, slik at risiko knytt til leverandørar og anskaffingar i større grad vert identifisert, vurdert og handtert på ein systematisk måte.
  • Stikkprøvekontrollar og revisjonar: bidra til betre innsikt i faktisk etterleving hos leverandørar, og gjere det mogleg å avdekkje og følgje opp eventuelle avvik på eit tidleg tidspunkt.

Samla sett er tiltaka venta å styrkje Furene si evne til å førebyggje, avdekkje og handtere potensielle negative konsekvensar i samsvar med krava i openheitslova.

Rett til informasjon og kontaktpunkt

Alle har rett til informasjon etter openheitslova § 6 om korleis verksemda handterer faktiske og potensielle negative konsekvensar for grunnleggjande menneskerettar og anstendige arbeidsforhold.

Førespurnader om informasjon kan rettast skriftleg til:

Verksemda vil behandle og svare på informasjonskrav i tråd med openheitslova §§ 6 og 7.

Rapporteringsperiode og underskrift

Denne utgreiinga dekkjer perioden: 1. januar 2025 – 31. desember 2025.

Utgreiinga er godkjend av styret. Sjå dokumenter for signert versjon.